ماتشنا للأعمال · لأصحاب الملاعب
نظام وسيستم إدارة الملاعب، ومعاه مساعد ذكي بيحجز ويحسب بصوتك.
ماتشنا برنامج ونظام إدارة منشآت رياضية بالعربي. قول «احجز لكريم الساعة 9 ودفع 200 عربون» والمساعد الذكي يسجّل الحجز والفلوس ويفكّرك بالباقي. جدول لكل ملعب، خزنة وشيفتات، تحليل لكل ساعة فاضية، وبيشتغل حتى لو النت فصل. لملاعب الكورة والبادل والتنس وصالات البلايستيشن.
من غير كارت من غير رسوم تركيب بياناتك ملكك
عندك حساب شريك؟ سجّل دخول
- تجربة مجانية بكل المميزات
- 15 يوم
- مساعد بيحجز ويحسب بصوتك
- AI
- عمولة على زباينك وحجوزات الشباك
- 0%
- بيشتغل حتى لو النت فصل
- أوفلاين
ماتشنا AI
اتكلم بس. والسيستم يحجز ويحسب ويفكّرك.
مساعد ذكاء اصطناعي جوه السيستم بيفهم العامية المصري والفصحى، بالصوت أو بالكتابة. جملة واحدة منك بتبقى حجز متسجّل وعربون محسوب وتذكير في ميعاده، من غير ما تفتح الجدول.
- صاحب الملعب: احجز لكريم ملعب 2 بكرة الساعة 9 بالليل، ودفع 200 عربون إنستاباي
- المساعد: تم ✓ كريم · ملعب 2 · بكرة 9:00 م. العربون 200 اتسجّل، والباقي 250 هفكّرك بيه قبل ما يوصل.
- صاحب الملعب: مين لسه عليه فلوس النهارده؟
- المساعد: 3 حجوزات عليها باقي: كريم 250، فريق الخميس 400، أحمد 150. المجموع 800.
احجز بصوتك
اضغط المايك واتكلم. المساعد يفهم الاسم والملعب والميعاد والسعر ويحجز.
العربون والباقي بجملة
كاش أو إنستاباي أو محفظة أو كارت. المدفوع والباقي يتسجّلوا على الحجز.
اسأل عن فلوسك
«مين عليه فلوس؟»، «كسبت كام الشهر ده؟»، «إيه الفاضي النهارده؟». الرد في ثانية.
يعدّل ويلغي ويقفل
انقل حجز لساعة أو ملعب تاني، اقفل ملعب للصيانة، أو سجّل مصروف.
يفكّرك قبل ما تنسى
تنبيه قبل وصول اللي عليه باقي، وملخص الفلوس المتأخرة الصبح وبالليل على موبايلك.
انت صاحب القرار
أي خطوة المساعد عملها ترجع فيها بضغطة. مفيش حاجة بتحصل من وراك.
مفيش ساعة تضيع من غير حجز
تحليل لإشغال كل ملعب ساعة بساعة ويوم بيوم، واقتراحات مفصّلة على أرقام ملعبك انت، مش نصايح عامة.
شغّال حتى لو النت فصل
الحجوزات والفلوس والحضور بتتسجّل من غير نت، وبتتزامن لوحدها أول ما يرجع.
ملعبك معاك أينما كنت
من موبايلك تشوف النهارده في كل فروعك: اللي اتحجز، اللي اتقبض، واللي لسه متأخر.
ليه سيستم؟
الدفتر والواتساب بيكلّفوك فلوس كل يوم.
أربع حاجات بتحصل في كل ملعب تقريبًا، وإزاي ماتشنا بيقفلها.
كل اللي في السيستم
كل اللي محتاجه عشان تدير مكانك، في حساب واحد.
الحجوزات والجدول
جدول واحد. مفيش ميعاد يتحجز مرتين.
جدول لايف لكل ملعب
الحجز من التطبيق ومن التليفون ومن الشباك بيتسجّل في نفس الجدول، فالميعاد بيتقفل في لحظتها.
سعر لكل وقت
سعر للصبح وسعر لبالليل وسعر للويك إند، ولكل ملعب لوحده. السيستم بيحسب لوحده.
حجز ثابت أسبوعي
الفريق اللي بيلعب كل خميس 9 بالليل يتحجزله مرة واحدة. تقدر تعدّي أسبوع أو توقف من تاريخ معيّن.
تشيك إن بالـ QR
اللاعب يوري الكود والموظف يمسحه من الموبايل. لو ما جاش، الحجز يتعلّم إنه ما حضرش.
تذكير بالفلوس قبل ما تضيع
سجّل العربون والباقي، وموبايلك ينبّهك قبل وصول اللاعب اللي عليه باقي بربع ساعة.
مساعد ذكاء اصطناعي بصوتك
قول «احجز لكريم ملعب 2 بكرة الساعة 9 ودفع 200 عربون» والحجز والعربون يتسجّلوا في ثانية، بالعامية أو الفصحى.
الفلوس والخزنة
كل مبلغ له صاحب.
شيفتات وتسليم خزنة
كل موظف يفتح شيفت ويقفله، والخزنة تتسلّم بالمبلغ. الفرق بيبان في ساعتها مش آخر الشهر.
مسار الفلوس
مين قبض، مين رجّع، ومين غيّر سعر. كله متسجّل بالوقت في سجل القرارات.
ربحك الحقيقي
سجّل الكهربا والمرتبات والصيانة، والتقرير يطلعلك الصافي بعد المصاريف والعمولة.
كشف حساب جاهز
نزّل كشف الحجوزات والإيراد في ملف واحد، وفلوس ماتشنا بتتحوّل على إنستاباي أو محفظة أو بنك.
الفريق والتشغيل
سيب الملعب وانت مطمّن.
صلاحيات لكل موظف
موظف الاستقبال يحجز ويمسح الكود بس. المدير يشوف التقارير. وانت تشوف كل حاجة.
انت اللي بتتحكم في الظهور
اخفي ملعبك من ماتشنا أو وقّف الحجز الجديد بضغطة، من غير ما الجدول والخزنة يقفوا.
كل الفروع في شاشة
لو عندك أكتر من مكان، شوف النهارده في كل الفروع من مركز تحكم واحد.
النت فصل؟ الشغل ما بيقفش
سجّل الحجوزات والفلوس والحضور من غير نت، وكله بيتزامن لوحده أول ما النت يرجع.
انقل دفترك القديم
ارفع ملف Excel أو CSV بحجوزاتك وعملاءك، ولو غلطت ترجع في الاستيراد بضغطة.
موبايل وكمبيوتر، عربي وإنجليزي
نفس السيستم على موبايلك وعلى كمبيوتر الشباك. مفيش أجهزة تشتريها ولا برنامج تسطّبه.
زباين أكتر
املا الساعات الفاضية.
ظهور قدام اللاعيبة
ملعبك يظهر على ماتشنا بالصور والسعر والمواعيد الفاضية، واللاعب يحجز من غير ما يتصل.
تحليل ذكي لكل ملعب
السيستم بيحلّل إشغال كل ملعب ساعة بساعة، يطلّعلك الساعات اللي بتضيع، ويقترح خصم تطبّقه بضغطة ويقيس نتيجته.
شارك صفحتك
QR تحطه على الباب، وبادج لموقعك، وكارت وبايو جاهزين للسوشيال، وتعرف كل واحد جابلك كام زيارة.
بطولات وتقييمات
نظّم بطولة في ملعبك، ورد على تقييمات اللاعيبة عشان اللي جاي يثق فيك.
معمول لنوع مكانك
كورة، بادل، أو صالة بلايستيشن؟
احسبها بنفسك
السيستم بيرجّع تمنه في كام ساعة؟
حرّك الأرقام على قد ملعبك، وشوف الباقة المناسبة وقيمة الساعات اللي بتضيع.
الباقة المناسبة لك: احترافي · 2,000 ج.م في الشهر
السيستم بيدفع تمنه لو ملى5ساعات في الشهر
قيمة الساعات اللي ممكن ترجعلك في الشهر15,588 ج.م
بعد تمن الباقة+13,588 ج.م
تقدير بالأرقام اللي اخترتها، مش وعد. العمولة على حجوزات التطبيق مش محسوبة هنا.
الأسعار
سعر واحد للمكان، مش لكل ملعب.
وعمولة 10% بس على الزبون الجديد اللي بيجيلك من تطبيق ماتشنا. زباينك وحجوزات الشباك صفر.
أساسي
لحد 2 ملعب
1,000 ج.م/ شهر
لملعب بيبدأ ينظّم حجوزاته
حجوزات أونلاين وجدول لكل ملعب أسعار مختلفة للنهار والليل والويك إند حجز ثابت أسبوعي للفرق دفتر عملاء مع زرار واتساب صفحة على ماتشنا يحجز منها اللاعيبة تشيك إن بكود QR حسابين موظفين المساعد الذكي: 200 طلب في الشهر
احترافي
لحد 5 ملاعب
2,000 ج.م/ شهر
للي عايز يعرف كل مبلغ دخل وخرج
كل اللي في الأساسي، وكمان:
شيفتات وتسليم خزنة بالقرش مسار الفلوس: مين قبض ومين رجّع تقارير ربح بعد المصاريف والعمولة موظفين بلا حد بصلاحيات لكل واحد عروض وأكواد خصم للساعات الهادية بطولات وتقييمات اللاعيبة نقل بياناتك القديمة من Excel مكالمات الفريق ودعم واتساب أولوية المساعد الذكي: 1,000 طلب في الشهر
الأعمال
ملاعب بلا حد وأكتر من فرع
من3,500 ج.م/ شهر
لمجمّع أو سلسلة فروع
كل اللي في الاحترافي، وكمان:
مركز تحكم واحد لكل الفروع مكان مختلط: ملاعب وبلايستيشن مع بعض إحنا اللي بننقل بياناتك ونجهّز الحساب سعر بالاتفاق حسب عدد الفروع المساعد الذكي: 3,000 طلب في الشهر
15 يوم تجربة بكل المميزات، من غير كارت من غير رسوم تركيب ولا أجهزة مفيش خصم تلقائي، وبياناتك عمرها ما بتتقفل الأسعار بالجنيه لكل مكان
عرض العملاء المؤسسين
اشترك دلوقتي، وثبّت سعرك سنة كاملة حتى لو الأسعار زادت. وادفع سنوي تاخد شهرين ببلاش.
هتبدأ إزاي؟
من رقم موبايل لأول حجز، في نفس اليوم.
- 1
سيب رقمك أو سجّل بنفسك
دقيقة واحدة. بنكلّمك على واتساب، أو تبدأ تضيف ملاعبك على طول.
- 2
نجهّز ملاعبك معاك
المواعيد والأسعار والصور والموظفين، ولو عندك دفتر على Excel ننقله.
- 3
ابدأ استقبل حجوزات
بعد مراجعة سريعة ملعبك يظهر للاعيبة، والجدول والخزنة شغالين من أول يوم.
أسئلة بتتسأل كتير
قبل ما تبدأ.
لسه عندك سؤال؟ ابعتلنا
هل ماتشنا نظام أم سيستم أم برنامج إدارة ملاعب؟
الثلاثة أسماء لنفس الفئة. ماتشنا نظام وسيستم وبرنامج إدارة ملاعب ومنشآت رياضية: يجمع حجز الملاعب، الجدول، العربون، المدفوعات، الموظفين، الاشتراكات والتقارير في لوحة واحدة.
السيستم بكام؟
الباقات بتبدأ من 1,000 جنيه في الشهر لحد ملعبين، و2,000 لحد 5 ملاعب، و3,500 للمجمّعات. محلات البلايستيشن من 300 جنيه. والسنوي بتدفع 10 شهور وتاخد 12.
فيه فترة تجربة؟ ومحتاج كارت؟
أيوه، 15 يوم مجانًا بكل المميزات، من غير كارت ومن غير رسوم تركيب. قبل ما التجربة تخلص بنتفق معاك، ومفيش أي خصم تلقائي.
فيه ذكاء اصطناعي في السيستم؟ بيعمل إيه بالظبط؟
أيوه. فيه مساعد ذكاء اصطناعي بتكلّمه بصوتك أو بتكتبله بالعامية: يحجز ويلغي وينقل المواعيد، يسجّل العربون والدفع والمصاريف، يقفل ملعب للصيانة، ويرد على «مين لسه عليه فلوس؟» و«كسبت كام الأسبوع ده؟». وأي خطوة يعملها ترجع فيها بضغطة.
لو النت فصل في الملعب، هقدر أشتغل؟
أيوه. على آخر جدول اتحفظ تقدر تسجّل حجوزات جديدة والفلوس والحضور من غير نت، وأول ما النت يرجع كله بيتزامن لوحده. المساعد الذكي بس هو اللي محتاج نت.
إيه حكاية العمولة؟
العمولة 10% (و5% بس في السعودية والإمارات) على الحجوزات اللي جاية من تطبيق ماتشنا بس، يعني على زبون جديد إحنا جبناهولك. حجوزات الشباك والتليفون وزباينك القدام عمولتها صفر.
محتاج أشتري أجهزة أو أسطّب برنامج؟
لأ. السيستم بيشتغل من المتصفح أو التطبيق على أي موبايل أو كمبيوتر. لو عايز إيصالات مطبوعة، أي طابعة حرارية 58 أو 80 مم تنفع.
لازم اللاعيبة يحجزوا من التطبيق؟
لأ. تقدر تسجّل حجوزات التليفون والشباك بنفسك في ثواني، وتستخدم السيستم للتنظيم والخزنة بس. الحجز الأونلاين ميزة زيادة مش شرط.
لو الاشتراك خلص، هيتقفل عليّا؟
لأ. ملعبك وبياناتك بيفضلوا شغالين، وإحنا بنفكّرك ونتفق معاك. مفيش حاجة بتتقفل على حد.
أقدر أنقل حجوزاتي وعملائي القدام؟
أيوه، من ملف Excel أو CSV. وفي باقة بيزنس إحنا اللي بنعمل النقل والتجهيز.
بيشتغل مع البادل والبلايستيشن مش الكورة بس؟
أيوه: كورة خماسي وسباعي، بادل، تنس، اسكواش، تنس طاولة، بلايستيشن وبلياردو. ولو المكان مختلط بيتدار كله من حساب واحد.
ابدأ النهارده
سيب رقمك، وإحنا نجهّز ملعبك معاك.
15 يوم تجربة بكل المميزات نقل دفترك القديم من Excel تدريب سريع لموظفينك مفيش خصم تلقائي ولا عقود
تحب تبدأ بنفسك؟ سجّل ملعبك دلوقتي